Type Here to Get Search Results !

Agg ki Kahani - Khatarnaak Agg ka Lagna aur Logon ka Jama hona

 Agg ki Kahani - Khatarnaak Agg ka Lagna aur Logon ka Jama hona


Agg ne dekhty hi dekhty pory ghar ko lapait liya tha. Yeh aik bara aalishan ghar tha lekin us waqt yahan se aag aur dowain k badal uth rahy thy. Andar se kuch logon k cheekhne aur chilany ki awazain aa rahi thi. Yon lag raha tha jesy makeen aag k darmiyaan gir gaye thy aur agg ne un k bahir nikalny k sary rastay band kr diye thy. Agg k sholay asmano ko choo rahy thy, agg ki garmi iss ziada thi k koi shaks aag k nazdeek nahi ja paa raha tha. Jab aag lagi thi tu us alaqay main itny log nahi thy lekin ab aag dekhny pury shehar se log akhathy ho gaye thy. Koi bhi shaks aag bojany ya andar logon ki jan bachany ki fikr main nahi tha. Sab aik dosry se poch rhy thy k Agg kese lagi, andar kitny log hain, yeh ghar kis ka hai. Kisi ne kaha k Agg bojayein! Kisi ne kaha, Ham kar sakty hain, koi ghar k jalny par afsoos kar raha tha tu koi andar majood logon k liye pareshan tha.




Shehar k dosre konay main pani ka aik khali tanker khara tha. Usse kisi ne phone par bataya k aik ghar main aag lagi hai, wo foran hi tanker ko le kar tubewell ki tarf chala gaya. Tubewell shehar se bahir tha. Tanker waly ne tanker ko pani se bhar lia. Aur tezi se chalata howa shehar k us hissay main gaya jahan aag lagi hoi thi. Wo tanker le kar us ghar k samne hajoom k pas pohancha, sab log tanker ki tarf lapkay. Driver bhi tankar se niche utraa aur tanker k gird chakar kaatnay laga. Kya howa? kisi ne pocha. Tanker k Malik ne kaha k Tanker main pani dalnay ka rasta tu hai lekin is se pani nikalny ka koi tarika nahi. Tanker har tarf se band tha. Kisi ne himmat ki aur Tanker par char k uper se Tanker ka dhakan kholne laga jis se pani Tanker main dala gaya tha lekin wo Dhakan is shiddat k sath band krdia gaya tha k ab khali hathon se usse kholna mumkin nahi raha tha. Sab log heran o pareshan khary thy k ab kya karein.

Also Read: Jang e Khyber Hoi?

Jis ghar main aag lagi howi thi wahan se kuch hi dor petrol pump par aik petrol se bhara tanker kharatha. Tanker wale ne dor se dowain k badal uthty dekhy tu foran hi tanker ko le kar us ki tarf rowana hogya  Jesy hi us k qareeb pohancha. Sab logon ne Tanker ko rasta dia. Logon ne usse pani ka Tanker samaj kar Taliyan b bajayi. Tanker wale ne tezi se tankar ko ghar k bilkul samne khara kiya aur foran utar kar tanker se lagy pipe ko khol kar us ka rukh makaan ki tarf kar dia.

Dekhne waly ne iss mahawarry ko aj ankhon se amli hoty dekha k jalti par tail kya karta hai. Petrol se agg ne phelna shuro kiya aur aas paas k makano ko bhi lapait main le lia. Hajoom ne aag ki shiddat ko mehsoos kiya tu thora aur dor ja k khary ho gye. Sab yehi soch rahy thy k itny Naik Admi aur khaloos se madad karne wale shaks ki mehnat ka asar kyu nahi ho raha. Yeh bichara tu agg bajany aya hai.

Also Read: Hazrat Ali a.s ki Parwarish kis ne ki?

Shehar k qareeb bahty darya k kinary bhi aik pani ka tanker khara tha. Jis main kisi kisam ka nuqs nahi tha. Us ka malik boht hi mehnati aur mukhlis tha. Hmesha apna kaam karta aur kabhi kam se na bhagta. Pura shehar us k ikhlaq aur diyanat ki tareefain karta tha. Us shaks ka kam shehar k darakhton aur podon ko pani dena tha. Aaj bhi wo pani ka tanker bhar k shehar main aa gya aur tanker k khud kar pipe se podon aur darakhton ko pani deny laga. Pani dety dety wo us tarf bhi gaya jahan aag lagi hoi thi. Wo darakhton aur Podon ko Pani dety dety soch raha tha k Agg ko kon bujaye ga.

Sawalaat:


Sawal No 1: Jab Shehar ko Tafarqa ki Agg lapait leti hai tu logon ka amoomi rad e amal kya hota hai?

Sawal No 2: Pani wala tankar pani le kar pohancha tu us main se pani nikalny ka rasta hi nahi tha. Yeh kis kirdaar ko alamti sorat main biyaan kiya gaya hai.

Sawal No 3: Petrol waly tanker se agg mazeed barak uthi. Yeh kis ki alamat hai.?

Sawal No 4: Pani wala tanker jis se podon ko pani diya ja raha tha lekin wo shaks tanker se agg bhujany nahi gaya. Yeh kis ki alamat hai?

Sawal No 5: Tafarqay ki agg kyu parwaan charti hai?
agg-ki-kahani

Post a Comment

0 Comments
* Please Don't Spam Here. All the Comments are Reviewed by Admin.